- Key Technical Resources Floridako (AEB) Fort Lauderdale hirian egoitza duen enpresa bat da, informazioaren teknologien zerbitzuak eskaintzen dituena.
- Teknei USAk 2024an 20 milioi dolar fakturatzea espero du, hau da, Teknei Taldearen negozio-zifra globalaren %15a.
Bilbo, 2024ko urtarrilak 10 –
Tekneik, Bilbon egoitza nagusia duen aholkularitza teknologikoko enpresak, Key Technical Resources Inc konpainia estatubatuarra erosi du, nazioarteko merkatuan hedatzeko plana jarraituz.
Key Technicalek Fort Lauderdalen (Florida) du egoitza, eta IT staffing programatzen du, zibersegurtasunaren (NOCs) esparruko profil teknologikoekin, eta aplikazioak garatzen ditu programazio-lengoaia desberdinetan. Erosketa horrekin, 24-28 Plan Estrategiko berriaren barruan lehena, Tekneik lehen urratsak eman ditu Informazioaren Teknologien Estatu Batuetako merkatuan.
Ekimen honi esker, talde teknologikoak AEBetan merkataritza-talde bat garatzea da Tekneik hainbat estatutan errepikatzea espero duen lehentasunezko ekintza estrategikoetako bat, bulego berriak irekitzea eta hazkunde azkarra lortzea aurreikusiz. Teknei USAk 2024an 20 milioi dolar fakturatzea espero du, hau da, Teknei Taldearen negozio-zifra globalaren %15a, gutxi gorabehera130 milioi euroko irabazia izatea aurreikusten da aurten.
Key Technical erosita, Tekneik 25 profesional baino gehiagorekin handitu du bere AEBetako taldea, eta abiazio-industrietan, kreditu-analisietan eta arriskuen analisietan lider diren bezero kopuru gero eta handiagoa dauka, nazioarteko bankuez gain, besteak beste.
Key Technical Resources erakundeko zuzendari nagusia den Kathy Gallagherrek adierazi duenez, "merkatuan Key Technical 24 urtez egon izana Teknei USAren hazkunderako funtsezko oinarria da". "Harro gaude Informazioaren Teknologien zerbitzuetan lider global batekin indarrak batzeaz, berehala garatzeko aukerak indartzeko", gehitu du Gallagherrek.
Luis Pintadok, Teknei USAko Manager Orokorrak, adierazi duenez, "erosketa hori Tekneiren 24-28 Plan Estrategikoa gauzatzeko lehen urratsa da eskualdean, eta gure zerbitzu teknologikoen hazkunde komertzial bizkorrerako oinarriak finkatzen ditu mundu mailako merkatu erakargarri, konplexu eta lehiakorrenetako batean".
Informazioaren Teknologien zerbitzuen merkatuak AEBetan 461 mila milioi dolarreko bolumena izatea espero da 2024an, eta 630 mila milioitik gorakoa 2029an. Hazkunderik handiena duten zerbitzuetako batzuk dira adimen artifizial sortzailearen gaineko aplikazioak (LLM applications), cloud native zerbitzuak eta plataformak, bai eta datuak kudeatzeko eta ustiatzeko plataformak ere. Merkatu hori munduko handiena da, IT zerbitzu globalen %50eko kuotarekin.
"Zirraragarria da datozen 5 urteetan gure industria digitalen esparruan espero duguna: enpresen eta sektore publikoaren produktibitatea izugarri handituko da, IT teknologia berriak eta adimen artifizialaren erabilera ezarriz, hartzen ditugun iragarpenak eta erabakiak zehatzagoak, zientifikoagoak eta, ondorioz, emaitza hobeekin egitea eragingo duena", adierazi du Tekneiko CEO Joseba Lekubek. "Pozik gaude erronka zoragarri honetan gure bezero estatubatuarrekin lan egin ahal izango dugulako. Tekneiren ustez, bide hori ia ez da hasi, eta Bilbon dugun egoitzatik ilusioz gaude AEBetakoa bezalako merkatu zorrotz eta lehiakorretan hazteko ", gaineratu du Lekubek.
Erosketa estrategiko horrekin, Tekneik erreferente global gisa duen posizioa indartzen du aholkularitza teknologikoan, eta AEBetako merkatuan duen presentzia ezartzen du, merkatu globalari soluzio eta zerbitzu teknologikoak eskaintzeko konpromisoa sendotuz.
